بحبك يا مصر - الأكثر قراءة

قزعة

الزيارات: 118
تعطيل النجومتعطيل النجومتعطيل النجومتعطيل النجومتعطيل النجوم
 

لما تغلط ف الطخين

عيني عينك وش وش

يبقى رأيك فيه مهين

تهمته مبيشتغلش

هو دا الحقد الدفين

وإحنا فاهمين ماتحاولش

عقدة جواك من سنين

لسة برضه ما أختفتش

الطخين علشان متين

كله منه كان يكش

كان يبان لو هو فين

وأنت كنت ماتتلاحظش

لما كان عيل صُغير

كان يلطش للقُصير

كان حاميه وسطه المدوّر

وعكسك أنت ما أتضربش

الطخين بقى باشمهندس

باش محامي وباش مدرس

الطخين بقى باش طبيب

واللي قولته عنه عيب

والقُصيّر لسة قزعة

لسة فيه العقدة واجعة

لسة نفسه بحقد والعة

والمبادئ عنده ضايعة

لسة فاكر إنه شاطر

لما يحفر مرة ترعة

لسة موهوم أنه قادر

وإنه فاهم كل صنعة

الطخين فيه حد مخلص

جوا عينه بلده يحرس

والقصير حاجة توكِّس

باع ترابها ومنها قص

القصير على قده

عقله مليان بالعيوب

قزعة ومفكر لوحده

اللي آسر القلوب

شب فوق طراطيف صوابعه

ومد إيده عشان يطول

خان بخسة اللي رفعه

واللي عامله بالأصول

ولسة برضه أهو ماطالش

أي حاجة غير بغش

لسة قزعة ماطوِّلش

ربع سنتي عليه مازادش

هو لسة مهما يحصل

بالكتير شبرين ونص

مهما حاول مش هيطوَّل

والطخين يقدر يخس

0
0
0
s2smodern