بحبك يا مصر - الأكثر قراءة

الديكتاطور

الزيارات: 258
تعطيل النجومتعطيل النجومتعطيل النجومتعطيل النجومتعطيل النجوم
 

 

ياللي أنتوا بيوتكوا إزاز .. ورميتوا غيركم بالطوب

وهتكتوا ف عرض الناس .. ونافقتوا وشيلتوا ذنوب

وعملتوا خدودكوا مداس .. للي علينا مغصوب

يحكم ببارود ورصاص .. والحق معاه منهوب

ومافيش للعدل أساس .. والمعدول بقى مقلوب

يسقيكوا مرار الكاس .. وتقولوا عليه محبوب

وسعر البنزين والغاز .. والنور في أربعة مضروب

وبيبني مدينة فولاذ .. ليه ولألاضيشه يدوب

ياللي إنتوا بيوتكوا إزاز .. فيها شق مجاور شق

مايلة وسقفها هزاز .. ترقص لو طبلة تدق

ليه بدال ماتعيشوا عُزاز .. وتحسوا حلاوة الفرق

إختارتوا تطاطوا الراس .. ولا واحد نطق ال لأ

ورضيتوا يولع جاز .. في بيوت ربنا والخلق

وسكتم يوم ما أجاز .. بيع أراضينا بدون حق

قربنا على الإفلاس .. ويدوب ماشيين بالزق

وإتقطَعِّت الأنفاس .. وعطشنا ونشف الحلق

ياللي إنتوا بيوتكوا إزاز .. والسلم كله كسور

لو حد لِحَق إنحاز .. بتقولوا عليه مأجور

بقت الوطنية مَجاز .. للي بنسر ودبور

أو للي إختاره جهاز .. الأمن يكون عصفور

دا فيه مخرج كان أستاذ .. بلسانكم قبل شهور

بإمارة الفيديو الخاص .. اللي شهد فيه بالزور

جه رأيه عكس عكاس .. رأي سعادة العسكور

بالأمر تاريخه أهو باظ .. وعنه أتكشف المستور

وبفيديو أهو برضه إتعاص .. وخد منكم أحلى خابور

ملقاش قدامه مناص .. غير من وسطيكوا يغور

ملحقش يشوف إنجاز .. كان لسة ماشافش النور

حاجة تشبه للإعجاز .. مين فيكم مش مبهور؟

أو مين عنده الإحساس .. إنه مجرد طرطور

دا بكعب بيادته أهو داس .. ع اللي عملتوه دستور

والديكتاسيسي خلاص .. هيبقى الديكتاطور

0
0
0
s2smodern