بحبك يا مصر - الأكثر قراءة

سيسكو

الزيارات: 32
تعطيل النجومتعطيل النجومتعطيل النجومتعطيل النجومتعطيل النجوم
 

قولوا لسيسكو

إن أوروبا وكل الغرب

واخدين بالهم من جوامعنا

سمعوا كلامه ولاد الكلب

قتلونا وزودوا مواجعنا

وزي مابلغه أكيد وبَلغكّوا

وسمعتوا الأخبار بودانكوا

إن من المليار والستة

جوا الجامع مات خمسين

ماكانوش أولنا في اللستة

قبليهم قتلوا ملايين

هتقولوا طبعاً ملهوش ذنب

ومربطش الإرهاب بالدين

ما أنتم زيُه أساتذة كدب

بس الكدب مالوش رجلين

لو في الدنيا ماكانش حسابكوا

في الآخرة حسابكوا ياظالمين

يومها مافيش حد هينفعكوا

وأنتوا قصاد رب العالمين

لما عن المظاليم يسألكوا

هتقولوا إيه وتجاوبوا منين؟

مش هيرد بدالكم سيسكو

ولا هيفيد ندم النادمين

ودم الناس اللي بتفويضكوا

سال ع الأرض شمال ويمين

لعنته دايماً هتكون بينكوا

المتبوع زي التابعين

دا أنتم قلتوا ف ستين داهية

على اللي ف رابعة إتقتلم غدر

وبررتم بالحجج الواهية

قتل الناس ف صلاة الفجر

ورقصتوا وطرتم م الفرح

ع اللي أدبحوا قصادكوا دبح

قدام الحرس الجمهوري

وعلى سجاجيد الصلة في الفتح

دا ميفرحش غير صهيوني

لو شاف مصري مجروح جرح

بكرة يادنيا أكيد هتدوري

ولا هيصح إلا الصح

ياسنين ضلمة ضروري تغوري

وتشوف عينا نور الصبح

بكرة ياأرض الخوف هتبوري

وورد ربيعنا هيطرح طرح

الأحزان هتعدي ضروري

وبشرة أكيدة ف سورة الفتح

بتقول نصرك جاي يارب

والعالم كله هيسمعنا

قولوا لسيسكو

إن أوروبا وكل الغرب

واخدين بالهم من جوامعنا

سمعوا كلامه ولاد الكلب

قتلونا وزودوا مواجعنا

0
0
0
s2smodern