بحبك يا مصر - الأكثر قراءة

شبه محكمة

الزيارات: 198
تعطيل النجومتعطيل النجومتعطيل النجومتعطيل النجومتعطيل النجوم
 

وقف اللي قالوا متهم

في اللي افتكرها محكمة

قال للحضور إنه إتظلم

قال إنه بالتهمة إترمى

قال للي مفروض انه قاضي

إنه أعترف بالكهربا

كان مفكر أن سيف الحق ماضي

وإن العدالة قريبة

ماكانش عارف إن اللي ع المنصة راضي

وإن الأمور مترتبة

مخدش باله إن ف بلادي

حالة القانون مش طيبة

من سجن سيدنا يوسف للساعادي

وإحنا شعوب متعذبة

و ف دنشواي قتلونا عادي

ولا نابنا غير الطبطبة

...

ياقانون ميزانك عندهم .. تملي مايل

طب قولي إمتى حاكمتهم .. لو كنت راجل

دا أنت بعينك شفتهم .. وعملت غافل

ياما كتير برئتهم .. رغم الدلايل

إيدك مبتجيش جنبهم .. ولينا طايل

ياقانون ف عينا قبلهم .. إنت اللي قاتل

لما بتمشي بأمرهم .. إيه يبقى فاضل؟

...

دا أحنا تملي الضحايا بالقانون

إحنا بحكمك اللي دايماً مذنبون

أحنا اللي دايماً بتحصدنا المشانق

وإحنا اللي دايماً نترمي جوا السجون

 إحنا اللي مش عايشين زي الخلايق

وإحنا اللي دايماً ياقانون عليك نهون

إحنا ياقانون المواطن

اللي دايماً حقه ضايع

اللي عايش أيوا لكن

عيشته مليانة مواجع

عيشة فيها الحزن ساكن

ع اللي راح وماعادش راجع

عيشة مليانة زنازن

ودم نازف ف الشوارع

إحنا ياقانون الضحايا وسط غابة

إحنا الجراح إحنا الأنين

إحنا اللي بنموت م الكآبة

واللي دايماً مقهورين

إحنا العساكر الغلابة

اللي ماتوا في الكمين

وإحنا الشباب اللي الديابة

أعدموهم مظلومين

0
0
0
s2smodern