بحبك يا مصر - الأكثر قراءة

عرقان

الزيارات: 441
تعطيل النجومتعطيل النجومتعطيل النجومتعطيل النجومتعطيل النجوم
 

اللي ميعرفش يعوم

ف البحر بيموت م الغرق

وصاحب الدين و الهموم

بيموت ليلاتي م القلق

ولو تسأل الكداب

يتلجلج في الجواب

يتلخبط في الحساب

ومن خوفه يغرق ف العرق

تهرب منه الحروف

تسمع كلام مسفوف

وتشوف وطن مخطوف

وحلم جميل إتسرق

هتشوف بلد غرقان

مسجون ورا قضبان

وتشوف ظالم سجان

بالزور لسانه نطق

الصورة مبتكدبش

ولا الكلام فبركة

إيه باقي لسة ماقالش

بسببه نغرق في البكا؟

إيه باقي لسة ماباعش؟

إيه باقي لسة ياوطن محصلش؟

إيه باقي ياوطن من الأحزان

قدام عنينا لسة مافاتش؟

إيه باقي لسة فينا م الإنسان؟

إيه باقي فينا لسة ماماتش؟

شوف بينا كام مظلوم

شوف بينا فيه كام أم

  بقى قلبها مكلوم

شوف فينا فيه كام ضنا

من حضن أبوه محروم

شوف إنت شوف أنا

بقى حالنا إيه اليوم

ماهي باينة أهي خالص

للي عايز يشوف

إيه تاني لسة ناقص

دي خيانة ع المكشوف

مش قالك بني صهيون

علاقتهم بيه عميقة

يعني مبقتش ظنون

قال بلسانه الحقيقة

لو لسة بيه مفتون

شوف لضميرك طريقة

متخافش من فرعون

خاف من رب الخليقة

0
0
0
s2smodern