بحبك يا مصر - الأكثر قراءة

إشمعنى البلح؟

الزيارات: 54

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

مش مسموح بالموز .. ولا مسموح بالرز

و لا مسموح قطن وكتان .. وجايز قوي يلغوه الخس

أمّا البيه رجل الأعمال .. يلعب جولف ف ملعب عال

وبقيت الشعب الغلبان .. مالهوش حق براحة يحس

وإن كان ع المليون فدان .. والخضرة اللي هتملا غيطان

كانت كدبة وأصلها بان .. وإسألوا عنها بوز الأخص

معلش يا بويا الفلاح .. موسم الرز خلاص كدا راح

أزرع أرضك أسى وجراح .. وأرويها بدموع العجز

راح توحشنا يا عود القصب .. بعد ما بينا فراق أتكتب

دول بيقولوا أن أنت السبب .. اللي مخلي النيل بيخس

طب ليه بقى سايبين البلح .. وليه بزراعته ياناس إتسمح

دا الهم اللي بسببه طفح .. خلى العيشة بؤس ف بؤس

0
0
0
s2smodern