بحبك يا مصر - الأكثر قراءة

كدابين

الزيارات: 141
تعطيل النجومتعطيل النجومتعطيل النجومتعطيل النجومتعطيل النجوم
 

شيء عادي ومألوف .. ناس وشها مكشوف .. ولا بيخافوا من رب

من ساعة مابن الجنايني .. إتنيل وأتجوز إنجي .. وإحنا ف غم وكرب

من يوم ما أذاعوا طيرانّا .. دمر تل أبيب .. ومش هيبطل ضرب

من يوم ما أتملت الجرانين .. بالظافر والقاهر .. صواريخنا ف الحرب

من أيام سبعة وستين .. لما ضحكوا علينا .. وقالوا نكسة بالغصب

من ساعة ما أبتدوا خطاباتهم .. بأيها المواطنون .. وبسم الأمة وبسم الشعب

من أول مادوا التحية .. للشهدا في يناير .. وقالوا فراقهم صعب

من لحظة ما جابولنا جهاز .. وقالوا هيعالجوا الإيدز .. وفيرس سي والقلب

من أيام ما الإنتخابات .. نسبة فوزها بقت تسعين .. للي يعوزه الغرب

من يوم ما قالولنا المواليد .. هي سبب أزمتنا .. وجابوا علينا الذنب

من أيام ما بقُم عايشين .. عيشة هنا ونعيم .. وإحنا ولاد الكلب

دايما كدا طبع الطواغيت .. على طول بيبعوا الأوهام

وكل حياتهم كدب ف كدب

0
0
0
s2smodern