بحبك يا مصر - الأكثر قراءة

الخرونج

الزيارات: 53

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

جايبين واحد خرونج .. علشان يعمل محلل

كان تقريباً ف الدرج .. أو برطمان مخلل

جابوله التوكيلات .. فوق منها التزكيات

وعملوا عشانه مقابلات .. وهمَّ كانوا الممول

جايبينه بأختصار .. واحد بقرون كبار

بقف وتيس مستعار .. تبعاً للشرط الأول

جايبين حد مابيحس .. جه رشح نفسه وبس

يعني هيعمل كومبارس .. كام أسبوع مش هيطول

زي ما هيقولوا يقول .. إيه يرفض إيه مقبول

يعني المطلوب دلدول .. من أول شخطة يريّل

جايبينه يقوم بالدور .. و ف ظرف يومين هيغور

ومن بعد ما كان طرطور .. قرطاس لب هيتحول

وآخرها أربع تسعات .. ناتج فرز الأصوات

ويقولك دي انتخابات .. ياللي مصدقهم علل

0
0
0
s2smodern