بحبك يا مصر - الأكثر قراءة

القذافي ما ماتش

الزيارات: 302
تعطيل النجومتعطيل النجومتعطيل النجومتعطيل النجومتعطيل النجوم
 

القذافي أنا شفته إمبارح

كان تهديده صريح قوي واضح

كان بيقول أنا وحدي الصالح

يا أفضل هنا هتبقى مدابح

يا أحكمكم قهر وطغيان

يا أنفيكم يا أقتلكم وش

القذافي ما ماتش

كان زي المسعور كان طايح

مش نفس الممحون السايح

كان بصراحة شكله فضايح

كان بعيونه جاي ورايح

كان عامل زي الغرقان

اللي بيتعلق بالقش

القذافي ما ماتش

كان الرعب بيملا عيونه

كان باين مخطوف قوي لونه

كان م السهل تشوفه جنونه

كان خايف من حد يخونه

ماهو لو هو ما باعش وخان

كان ما يخافش

القذافي ما ماتش

كان فرعون باين ف ملامحه

كان هتلر ف كلامه وشرحه

زي نيرون الله لا يسامحه

بيولعها لجل مصالحه

وعشان يفضل مهمن كان

فوق العرش

القذافي ما ماتش

كان زي المحطوط ف شوال

اللي خلاص قرب يتشال

كان مش لاقي كلام يتقال

كان فلتره مليان أعطال

كان زي الراديو الخربان

أبو إرسال بيوش

القذافي ما ماتش

ماحمتش القذافي قصوره

ولا نفعوش تفويض جمهوره

وبرضه ف آخر يوم لظهوره

كان زي المذكور ف غروره

وكانت آخر مرة يبان

ومن بعديها ما بانش

القذافي ما ماتش

0
0
0
s2smodern