بحبك يا مصر - الأكثر قراءة

خناقة عسكرية

الزيارات: 272
تعطيل النجومتعطيل النجومتعطيل النجومتعطيل النجومتعطيل النجوم
 

بيقولك فيه تلاتة .. من خِير أجناد الأرض

إتخانقوا ع السيادة .. خناقة جامدة جد

خناقة جت وراحت .. حطت قوانين وشالت

وريحة خلافاتهم فاحت .. وإنكشفوا فرد فرد

الجندي الأولاني .. سجن التالت والتاني

طول عمره بلدنا يعاني .. من عسكر حاربوا بعض

تاني جندي قال إنسوني .. وإنسوا كمان البونبوني

دا أنا ف الطيارة جابوني .. وهانوني طول وعرض

أما الجندي الأخير .. كان أركان حرب كبير

قالوا عنه بتاع تزوير .. وأدوله كارت طرد

آدي يا سيدي الجنود .. اللي سابوا الحدود

وعشان سلطة ووجود .. بيبيعوا أي حد

وأهو دا طبع العساكر .. في الماضي وكل حاضر

اللي بسلاحه قادر .. يقطع لزميله اليد

0
0
0
s2smodern