بحبك يا مصر - الأكثر قراءة

أمضي يا أبو العلا

الزيارات: 23

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

الشيخ إياه اللي بجبة وعمة وقفطان

بيجيب للفتوى ميت حجة وعشرين برهان

هيقولك طيعوا اللي حاكمكوا .. مين غيره عارفها مصالحكوا

وعشان يفتنكوا ويخدعكوا .. هيقول الآية اللي ف بالكوا

وبطاعة الفاسد يأمركوا

يالا أمضي يا أبو العلا .. خلينا نبنيها

أمضي بلاش بلبلة .. يا تسيبنا نمضيها

دي الأنجازات متلتلة .. بس أحنا بنخبيها

إنما مصلحتك ياولّه .. بنصبلك فيها

يعني أمضي وأهلك ييجوا يمضوا

وأفتكروا الآية اللي ف بالكوا

إكتب معاك يا مولانا .. سجل أوامرنا

اللي مايمضيش معانا .. مالهوش مكان بينا

هنحطه في الزنزانة .. مع باقي مساجينا

ونقول عمره ماجانا .. وأهي كلها دفاترنا

ياشعب مش دفاتركوا

وأفتكروا الآية اللي ف بالكوا

إيه يعني نيلنا ضاع .. وماعادش فيه مية

وغازنا ببلاش إتباع .. وجزيرة والتانية  

إيه يعني حالنا مال .. وعيشتنا صعبة وغالية

نشحت يمين وشمال .. وديون بفوايد عالية

داخلة ف حسابات اللي سارقكوا

وأفتكروا الآية اللي ف بالكوا

0
0
0
s2smodern