بحبك يا مصر - الأكثر قراءة

بيصبوا ف مصلحتك

الزيارات: 19

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

كهربا مية مواصلات .. كله عليك بالزيادات

و ضرايب بلا خدمات .. قاصدين قلة راحتك

يعني يغلوا الأسعار .. يملولنا العيشة مرار

ويصادروها الأفكار .. اللي بتوصف حالتك

يرفعوا سعر البنزين ..  يلغوا بطاقة التموين

نفضل ف الفقر سنين .. كدب بيملا الجرانين

بيصب ف مصلحتك

 

ينزل منسوب النيل .. نعطش وتشوف الويل

و يوماتي الهم نشيل .. نتبهدل صبح و ليل

أرضك عمالة تضيع .. ويا الصهايين تطبيع

عايزينك عبد مطيع .. يا تطاطي يا رقبتك

بلدك ف ديون غرقان .. مش حاسس فيها بأمان 

جوا و برا متهان .. و أرخص حاجة الإنسان

بيصب ف مصلحتك

 

نظرة عينيك بتخاف .. م القهر اللي بيتشاف

لا ف عدل و لا أنصاف .. و هم بيكنزوا في ألاف

واكلين حقك ف معاش .. بايعينك قسط و كاش

و جنيه جه يعوم قام باش .. و لا قرش ف محفظتك

مبقتش تلاقي علاج .. دايماً على طول محتاج

مسجون و مافيش إفراج .. و أهو كله بدون إحراج

بيصب ف مصلحتك

0
0
0
s2smodern