بحبك يا مصر - الأكثر قراءة

إنتوا فقراااا قوي

الزيارات: 18

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

و مين غير الشيطان .. بالفقر يوعدكوا

و يحسسكوا بهوان .. و يكتر  مواجعكوا

و مين خلاكوا ترضوا بدم .. بحرمان الضنا م الأم

تبيعوا الأخ و إبن العم .. و ف الآخر يعايركوا

لا ظلم برئ شغل بالكوا .. و لا فوق ضمايركوا

مسيره هييجي يوم دوركوا .. و سهم الظلم هيصيبكوا

و مين غيره اللي باع الأرض .. و فرط ف الحقوق و العرض

و مين خلا البلا يشتد .. و راضي بجوعكوا وعطشكوا

و مين عايز يروح النار .. و بإرادته عذابها أختار

و زيُه الظلمة و الكفار .. قالوا رافضينها جنتكوا

و مين غير الشيطان ملعون  .. و نفسه الشر يملا الكون

و مين ماشي ف طريق فرعون .. و بيحارب صحيح دينكوا

و مين غيره خبيث و لئيم .. و فاكر نفسه حد عظيم

يعيش أيامه وسط نعيم .. و ما يهموش أحوالكوا

و مين قفـِّل بيبان بكرة .. و حارب بالرصاص فكرة

قولولوا إن إحنا مش فقرا .. و إن مواكبوا من خيركوا

قولولوا فيه كريم رزاق .. مقسم ع البشر أرزاق

و لولا قلة الأخلاق .. ما كانش يكون فقير بينكوا

و قولوا للي سرقوا القوت .. و خنقوا ف الحناجر صوت

قولولهم فقرا عيشة و موت .. و إحنا أغنيا عنكوا

يا شيخ منصر و حرامية .. عظيمة مصر و غنية

خزاين أرضنا هيه .. و مين منها هبش غيركوا

0
0
0
s2smodern