بحبك يا مصر - الأكثر قراءة

رابعة في القلب

الزيارات: 158

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

رابعة هتفضل ملحمة .. و رمز لعزة و كرامة

و الشهدا أحياء في السما .. و ف قلبنا ليوم القيامة

...

إفرد صوابعك اللربعة .. و إرفع إيديك

رابعة اللي لينا مجَمعـَّة .. شيلها ف عنيك

واسي أم عينها مدمعـَّه .. ندهت عليك

قتلوا ضناها اللي سعى .. للعدل لِيه و ليك

و يرد كرامة ضايعة

...

رابعة اللي سكنت نني عينا .. و الروح و القلوب

رابعة اللي كانت لابسة بينا .. الشرف و الطهر توب

رابعة الصيام  رابعة القيام .. و الأذكار و الورود

رابعة السلام و الإبتسام .. و طريق أمل موجود

و إيدين بتمسح الدمعة

...

رابعة الرغيف اللي إتقسم .. بين الجموع

رابعة الشهيد اللي إبتسم .. ما بكاش دموع

رابعة القرار اللي إتحسم .. مافيناش رجوع

رابعة البرئ اللي إتظلم .. و صوته مش مسموع

و بلده ليه بايعة

...

رابعة شعاع من نور .. في سكة الأحرار

مهما الزمان هيدور .. أو طوِّل المشوار

جراحها فينا تثور .. ليوم ما ييجي نهار

نهد فيه السور .. ع اللي قتل أطهار

و نشوف الشمس طالعة

0
0
0
s2smodern