جزيرة الزمالك .. ممنوع يدخلها المترو
و كمان ممنوع كذلك .. مترين منها يتصادروا
دي جزيرة بيه و باشا .. م اللي بياكلوا البغاشة
يعني كلا و حاشا .. يتضايقوا أو يتضروا
أما جزيرة الوراق .. أمر بإزالتها جاء
و بحكم الأثرياء .. أهلها يمشوا يا يتحاصروا
و أكيد الخطوة الجاية .. هتكون كرداسة و ناهية
إيه يعني إن راحوا ف داهية .. الفقرا و لا هاجروا
ما أحنا شوفنا بعنينا .. تهجير الناس ف سينا
دول حتى قالوا لينا .. لو مش عاجباكوا سافروا
بس إحنا قولنهالهم .. دي بلدنا غصب عنهم
مش ممكن هنسيبهالهم .. اللي ف أرضها بيتاجروا
