بحبك يا مصر - الأكثر قراءة

جتك القرف

الزيارات: 509
تعطيل النجومتعطيل النجومتعطيل النجومتعطيل النجومتعطيل النجوم
 

لما إقتصادك .. يبقى قايم ع التبرع

و الشحاتة و السلف

و السجن يبقى للي عارضك .. و اللي كارهك

و اللي وياك أختلف

لما بلدنا تبقى نكرة .. و مقامها يتصاب بالتلف

و أمّا تقول إن أحنا فقرا  .. و أنت اللي عايش في الترف

يبقى صحيح جتك القرف

لما كلامك منتهاه .. ما يزيدش عن كونه خرّف

و أمّا النفاق يوصل مداه .. و الكدب يبقى بدون أسف

و أمّا تشوف نفسك إله .. ممنوع ندوسلك فوق طرف

يبقى صحيح جتك القرف

لما يحوش مَـيِّـتـنـا سد .. و نلاقي نيلنا إتخطف

و أمّا تبيعها الأرض .. و القرش يبقالك هدف

و أمّا يهون العرض .. و أمّا الخيانة تكون شرف

يبقى صحيح جتك القرف

0
0
0
s2smodern