بحبك يا مصر - الأكثر قراءة

الأرض ضاعت

الزيارات: 396
تعطيل النجومتعطيل النجومتعطيل النجومتعطيل النجومتعطيل النجوم
 

الأرض ضاعت لمّا .. الناس في الحق سكتت

خافت تقول الكلمة .. و بحكم ظالم رضيت

الأرض ضاعت لما إنتوا .. إئتمنتوا اللي خاين

اللي مخلص ضده كنتوا .. و إرتضيتوا بكُهن كاهن

الأرض ضاعت يوم سكوتكوا .. لما سجنوا ناس بريئة

لما ما سمعناش صوتكوا .. يومها ينطق بالحقيقة

الأرض ضاعت لما نسوانكوا .. رقصوا قدام اللجان

لما هان عليكوا دينكوا .. و مشيتوا في طريق الشيطان

الأرض ضاعت لما رابعة .. فيها الدماء سالت

و ساعتها قولتوا حكومة جدعة .. و أرواح بريئة عليكوا هانت

الأرض ضاعت لما أنت .. عملت مش واخد في بالك

يوم ما أتعدم بالظلم ستة .. مافهمش عيل من عيالك

الأرض ضاعت يوم ما أتوجع .. قلب أم ضناها ضاع

كان شاب لسة و كان جدع .. عن حقنا إختار الدفاع

الأرض ضاعت و أنت لسة .. دلوقتي جاي تقولي ضاعت

طب ما أنت برضه لا مؤاخذة .. واحد من الناس اللي باعت

الأرض ضاعت و أنت جىّ .. تكتب عشانها مربعة

كان فين كلامك ده يا خىّ .. و الناس جتتها مولعة؟

0
0
0
s2smodern