بحبك يا مصر - الأكثر قراءة

خلي بالك من جارك

الزيارات: 631
تعطيل النجومتعطيل النجومتعطيل النجومتعطيل النجومتعطيل النجوم
 

 جارك هيبلغ عنك

هيقول إنك

حاضر بتصلي الفجر

و إن أنت محافظ ع الفرض

و أبنك حافظ سورة الفاتحة

و تبت يد

و قل هو الله أحد

و أول آية ف سورة الرعد

و إن مراتك لابسة حجاب

و بنتك مبتعرفش شباب

و إن إنت بتسمع قرآن

و مبتسبش صيام رمضان

و كمان بتصلي التراويح

و تملي مشغل تواشيح

و إنك مبتشربش الخمرة

و نفسك تعمل حج و عمرة

...

جارك هيبلغ و يقول

إنه ف مرة سمعك و أنت

بتصلي على خير رسول

و أنك حد بيعمل خير

و مبترضاش الأذى للغير

و أنك راجل طيب

مع كل جيرانكوا السكان

و أنك دايماً تبقى قريب

لو مرة إحتاجلك إنسان

...

جارك بكرة

أو قول بعده

لو حصلت فيه بينكوا مناقرة

أو في اللعب إتخانقوا ولادكوا

بعد الحقد ما يملا عيونه

ممكن قوي يرفع تليفونه

أيوة يا أفندم .. أيوة آلو))

عايز أقولك حاجة ف قلبي

أصلي خلاص مش قادر أخبي

و قلت أبلغ يعني سيادتك

و أنفذ على الفور أوامرك

أيوة سعادتك

أيوة أنا أعرف واحد مسلم

آه و الله واحد مسلم

ساكن جنبي

0
0
0
s2smodern