بحبك يا مصر - الأكثر قراءة

الوطن الضايع

الزيارات: 1067
تعطيل النجومتعطيل النجومتعطيل النجومتعطيل النجومتعطيل النجوم
 

 

طلع بنتك رقاصة .. خلي إبنك يبقى صايع

قولُه يا واد الخلاصة .. العلم ما عادش نافع

طلعُه بلطجي للحارة .. أو بواب للعمارة

يا يبيع فل ف إشارة .. يا بتاع جرانين ف الشارع

مالهاش لازمة المدارس .. في (شِبه دولة) خالص

واخدة آخر مراكز .. بنظام تعليمها الواقِع

فيها كله بالشطارة .. من غير علوم إدارة

و لا فاد دبلون تجارة .. و لا دبلون الصنايع

المفهوم م العبارة .. و الباين في الإشارة

ننسى بلد الحضارة .. و نكون جهلة و توابع

و قصر القول و الكلام .. ع التعليم قول سلام

هيعمل إيه العلام .. ف فصول (الوطن الضايع)

0
0
0
s2smodern