بحبك يا مصر - الأكثر قراءة

فولكلور الجنيه و الدولار

الزيارات: 718
تعطيل النجومتعطيل النجومتعطيل النجومتعطيل النجومتعطيل النجوم
 

روحوا و قولولهم سمعونا (آ— ه) .. ما خلاص بقى رسمي تعويم الجنيه

قولوا للي (هيّص) الدولار يا حلاوته .. و جنيهك إنت اللي إتهتك عرضه

روحوا و قولولها لو جعانه تتعشى .. زغرطت إمبارح و النهاردة كاشه

روحوا و قولولوهم بقى بستاشر .. مش سبعة يعني و لا حتى إتناشر

روحوا و قولولهم دا سعر النهاردة .. و يومين تلاتة و الزيادة واردة

روحوا و قولولهم ما نفعكوش الصيني .. و لا يورو نافع و لا حتى إسترليني

روحوا و قولوا للعبيط و الهبلة .. طبلتم جامد لما قطعتوا الطبلة

و ياللي في الأهلي روح بنك العربي .. لو جبت دولار هحلقلك شنبي

و سقف جنيهنا بيلعب ليه .. هو بيغرق و لا إيه

و إدعيله يا بت إدعيله .. البنك دولار يديله

و حاسب يا أبو عجله .. الدولار عمال يغلا

قاسي يا دولار قاسي .. ورا مصنع الكراسي


و لولولولي وعقبال عندكم يا أم فاروق .. وكدا بقى

0
0
0
s2smodern