بحبك يا مصر - الأكثر قراءة

شيخ الشرم

الزيارات: 784
تعطيل النجومتعطيل النجومتعطيل النجومتعطيل النجومتعطيل النجوم
 

فيه شيخ عندنا سرُه باتع .. حواليه على طول مفضوح

الخاين مين و مين البايِّع .. مين سابها حقوقنا تروح

مين راضي يكون التابع .. علشان قرش و لحلوح

مين مالي قلوبنا مواجع .. و ألام و آهات و جروح

مين رقصوا لما الشارع .. كان فيه دمنا مسفوح

مين ولع نار في الجامع .. مين خلا الأم تنوح

بعيونها وليدها تتابع .. مرمي يطلع في الروح

تناديه تلاقيه مش سامع .. طيرها البرئ مدبوح

أو أب الموت بينازع .. بيوصي ضناه و يبوح

يا حبيبي خلاص مش نافع .. فايتك وحدك مجروح

و طول ما أنت ف وطنك ضايع .. و الحلم ماهوش مسموح

كمل و إياك تتراجع .. خليك صامد و طموح

فجر الحرية أكيد طالع .. و العدل عبيره هيفوح

و مسيره ف يوم حقنا راجع .. من سينا لغاية مطروح

0
0
0
s2smodern