بحبك يا مصر - الأكثر قراءة

إسمعله هو بس

الزيارات: 916
تعطيل النجومتعطيل النجومتعطيل النجومتعطيل النجومتعطيل النجوم
 

إسمع كلامه هو .. كلامه هو بس

لو شي تشي في ثانية .. و لو يس قوام تيّس

إسمع لأبو عقل كبير .. و الأفكار الخـُطار

صاحب لومض التوفير .. و عربيات الخضار

و مية المجارير .. و الكفتة علاج للإيدز

أبو مخ حاجة بلالنط .. و ترعة مفهومية

بحر لعلم مالوش شط .. حالة نادرة في البشرية

لو قالك إقلع ملط .. إقلعله مش هتخس

هو العسكري و القاضي .. و مدير كل السجون

و المستقبل و الماضي .. و الحكمة و أبو الفنون

و آهو قالك م الساعادي .. أنا بس و غيري طز

دا هو ماما و بابا .. و هو كمان آبـيه

هو وكيل النيابة .. و المفتي و الفقيه

جنبُه الأطبا غلابة .. و كل الفلاسفة هَجص

إن قالك فيها إيه .. العلبة تقوله فيل

مافهاش خاتم ليه .. قوله العيب في التقفيل

القصد يا نور عنيه .. تدفن عقلك في الجبس

لو قال ع الترعة قناه .. ترد تقول آمين

و اللي دفعناه جبناه .. تحلف و تقول شاهدين

و عجز الميزانية نهاه .. بـ إس إم إس

قضينا ع الأرهاب .. لو قالها قول حصل

و لا حزن و لا إكتئاب .. دا إحنا عيشتنا عسل

و زهقنا م الكباب .. إمتى هناكل بقى عدس

ما هو قالوا عليه نبي .. يا سكت يا قلت صحيح

و بعديها عشان غبي .. وهموك إنه المسيح

و فداك أمي و أبي .. قلتله ورا شيخ أو قس

شاهد فزورة الشيخ بحة من هنا

0
0
0
s2smodern