بحبك يا مصر - الأكثر قراءة

عسكر و حرامية

الزيارات: 1035
تعطيل النجومتعطيل النجومتعطيل النجومتعطيل النجومتعطيل النجوم
 

(يُحكى أنه في قديم الزمان) .. بس مش من زمان قوي

تقدر تقول قبل عشرات السنين

أو أقولك بإختصار .. لما كنا صغيرين

كنا نقسِّم نفسنا على فرقتين

العساكر ع الشمال و الحرامية يمين

و كانت الحرب سيجال .. و مش مهم كسبها مين

حرب كانت بين عيال .. بس ما فهاش ميتين

مرة العساكر يكسبوا

و مرة تانية الحرامي و العصابة يبقوا هم الكسبانين

الحرب دي كانت شبيهة بمسرحية

لعبة بريئة بتنتهي من غير ضحية

كنا في آخرها كلنا .. دايماً نقول نفس الهتاف من قلبنا

مرة نقوله مرة واحدة بصيغة ثابتة

أو مرة تانية نكرره على مرتين .. و ساعات نقول التالتة تابتة

و عشان ما نثبت إننا من بعضنا .. مش زعلانين

نعلِّي صوتنا بالهتاف جوا المكان .. و الإيدين متشبكين

يروحوا هاتفين الجيران

و تنطق معانا الحناجر اللي كانت ساكتة

العسكر و الحرامية إيد واحدة

العسكر و الحرامية إيد واحدة

(و توتة توتة خلصت الحدوتة)

0
0
0
s2smodern