بحبك يا مصر - الأكثر قراءة

أحنا اللي رمينا المكروفون

الزيارات: 997
تعطيل النجومتعطيل النجومتعطيل النجومتعطيل النجومتعطيل النجوم
 

عبينا الهوا في أزايز .. بعد ما خد دوكو و لون

و بيعناه الوهم الجاهز .. و قبضنا الخيبة عربون

و رضينا بأدنى مراكز .. علشان للشر عيون

و طبخنا علاجنا الناجز .. كفتة بسلطة و بدون

و أدينا العالمه جوايز .. أم مثالية حنون

و المجلس دخله برايز .. مع بانجو مش الكراكون

و قائد الأسطول السادس .. كان لسة ف طرة مسجون

و رئيس أمريكا آهو خاسس .. و خلاص جبناله جنون

بينام م المغرب عاجز .. و ساعات بيبل الكلسون

تقريباً كدا بقى حاسس .. إننا حاكمين الكون

دا يا عيني خلاص مش ناقص .. غير يطلب منا العون

يا عيون شريرة حابس حابس .. لا مؤاخذة يا بنتاجون

دا أحنا جامدين بالقوي خالص

دا أحنا اللي رمينا المكروفون

0
0
0
s2smodern