بحبك يا مصر - الأكثر قراءة

الثورة ما بتموتش

الزيارات: 843
تعطيل النجومتعطيل النجومتعطيل النجومتعطيل النجومتعطيل النجوم
 

خايف إن الثوره تموت

و ترجع تاني تعيش مكبوت؟

لا ماتخافش - إطمن

ده ف كل التواريخ مـِدَّون

الثورات بتعيش ماتموتش

و اللي يقول بتموت .. بيغش

و اللي بيقلب ثوره لثروه

علشان المنصب و القرش

بعد يدوبك أول دوره

جوه جحوره مسيره يخش

و اللي بيشتم ف الثوار

و يشوه فيهم بالكدب

أنا بعتبره يا إما حمار

أو إنسان مخدوع أو كلب

الثوار دول ملح الأرض

هم العزه و هم المجد

الثوار هم اللي هيبنوا

اللي بإيد الظلمه إتهد

الثوار هم اللي إتبنوا

مطالبنا و ماخانوش العهد

هو ده رأيي اللي بظنه

أو قول مؤمن بيه بالظبط

0
0
0
s2smodern