بحبك يا مصر - الأكثر قراءة

إسأل عباس

الزيارات: 836
تعطيل النجومتعطيل النجومتعطيل النجومتعطيل النجومتعطيل النجوم
 

 

لو عايز تعرف أيـُها حاجة .. متعرفهاش

إيه الموجود ف التلاجة .. أو إيه مافهاش

أو ليه الدنيا كدا غليـِّت .. و إنت اللي بقيت ببلاش

الناس الواطية ليه عليـِّت .. و بقى يسوا اللي ميسواش

لو عايز تعرف ليه العيشة كئيبة .. و حزين على طول الإحساس

إسأل عباس

لو عايز تعرف أحلامك .. مين اللي قلبها كابوس

مين اللي قتلهم أولادك .. و عليهم كان بيدوس

مين اللي بيسرق ف بلادك .. مين اللي عليك مدسوس

مين قـَدم الخير علشانك .. مين هو بجد المنحوس

و لو عايز تعرف ليه الحالة مريبة .. و الناس مش طايقة الناس

إسأل عباس

لو عايز تعرف أيـُها شئ .. أو عايز تعرف أشياء

ليه قاتل يبقى طليق .. ليه الأحرار سجناء

لو عايز تعرف أنهي طريق .. ما فهوش بقايا لأشلاء

مين اللي مالوش صديق .. ودعه وسط الشهداء

و لو عايز تعرف إيه خلانـّا .. حاسين إن إحنا رخاص

إسأل عباس

لو عايز تعرف هيقولك .. عباس مش ممكن هيخمك

إسأله عن فقرك عن غلبك .. مين خلا ضناك مابقاش جنبك

مين اللي رصاصه كان قاصدّك .. كان ليه ف عيونه رخيص دمك

إسأل عباس هو يدلك .. عباس بقى بس اللي فاضلك

و لو عايز تعرف كام ماتوا .. مش أي رقم و خلاص

إسأل عباس

0
0
0
s2smodern