بحبك يا مصر - الأكثر قراءة

هزلهم ديلك هز

الزيارات: 1064
تعطيل النجومتعطيل النجومتعطيل النجومتعطيل النجومتعطيل النجوم
 

خدعوك و قالولك عز .. هتشوفه و تاكل وز

و بعينك فين ما تبص .. عمرك ما بعجز تحس

و لا حد يهينها كرامتك .. أو ياخد حاجة بتاعتك

و هتمسح كل دموعك .. و هتنسى الفقر و جوعك

و هتلبس أحسن لبس .. هـِزلهـُم ديلك هـِز

إتلموا ليلتها ف سهرة ..و على ست ساعات قالوا ثورة

جماهير ف الفيديو جابوها .. قال إيه ملايين عدوها

بلطجي مركوب من ظابط .. و بركاته الطرف التالت

كان برضه من الثايرين .. و عشانهم جاب بلالين

و الأكل و علب البيبس .. هـِزلهـُم ديلك هـِز

قالوا هنحسـِّنها ظروفك .. و هتاخد كل حقوقك

القرش هيجري ف إيدك .. و كل ما تحتاج هنزيدك

هتجدد عفش البيت .. و تغير لون الحيط

و هتبقى سعيد ف حياتك .. و تجهز كل بناتك

و تسيب علشانهم ورث .. هـِزلهـُم ديلك هـِز

الدنيا هتبقى جميلة .. مافهاش و لا شيلة تقيلة

اللحمة تجيبها رخيصة .. و العيشة هتبقى لذيذة

و ف كل طريق و ميدان .. هتحس إنك ف أمان

و مافيش و لا ظابط إيحة .. هيقولك كلمة قبيحة

حتى و لو كانت إخص .. هـِزلهـُم ديلك هـِز

راح تيجي حكومة شباب .. ما فهاش وزير كداب

و لا فيها وزير هربان .. م الجيش بالواسطة زمان

و لا ييجي محافظ فاسد .. أو ريس منظر ساكت

و لا متحدث إعلامي .. معروف طول عمره حرامي

و عديم الذوق و الحس .. هـِزلهـُم ديلك هـِز

و لا مفتي هييجي مذاكر .. إزاي بالدين هيتاجر

و لا بابا يولع نار .. بين جورج و بين عَمّار

و لا أزهر شيخه موالس .. و كلامه فض مجالس

و الجيش مالهوش ف سياسة .. و حصانة مافيش للساسة

دول زيك برضك إنس .. هـِزلهـُم ديلك هـِز

هتعيش ف نظام و نضافة .. و حارتكوا هتبقى خرافة

و مافيش تطبيق لطوارئ .. و لا حظر و حبسة تضايق

و لا قطر هيعمل حادثة .. و لا تدخل بيتك كبسة

و من غير رشوة و إتاوة .. مصلحتك تمشي حلاوة

و لا فيه فاسد و لا لص .. هـِزلهـُم ديلك هـِز

راح يرجع تاني السايح .. أفواج بين جاي و رايح

و العملة الصعبة تزيد .. و فلوسنا هتبقى حديد

و لا تاني هيقطع نور .. و العيش مالهوش طابور

و لا يوم هيشح سولار .. و لا تغلى عليك أسعار

و يدور ف المكن الترس .. هـِزلهـُم ديلك هـِز

مافناش تلفيق لقواضي .. و لا ظلم هيحكم قاضي

بإديك تكتب دستورك .. و تقرر كل أمورك

و لا زحمة هتبقى ف شارع .. و لا حد هيقفل جامع

و لا فيه أزمات و كوارث .. هتنام مطمن خالص

و لا يوم م الرعب تفز .. هـِزلهـُم ديلك هـِز

شياطينهم ف الإعلام .. رصولك أي كلام

بكرة هتشبع حرية .. و تشوفها قد الدنيا

خلوك ليهم فوضت .. و ف دم أخوك فرطت

إنما حرية ما دقت .. و لا قد الدنيا دي شفت

غير وكسة و سدة نفس .. هـِزلهـُم ديلك هـِز

طول عمر بلدنا عظيمة .. خلوها قليلة القيمة

و إكمنك نور لعنيه .. قلبوها سجن و كباريه

كرموا فيها الرقاصة .. و أبو قرش حشيش و قزازة

و الآخر قال عايزين .. ع الظلم نكون ساكتين

و نسيبوا يحكمنا العــ ....

هزلهم ديلك هز

شاهد الفيديو مع الشيخ بحة من هنا

0
0
0
s2smodern