بحبك يا مصر - الأكثر قراءة

رجعوا يا مصر الطلاب

الزيارات: 782
تعطيل النجومتعطيل النجومتعطيل النجومتعطيل النجومتعطيل النجوم
 

رجعوا يا مصر الطلاب .. للمدرسة و الكلية

يفتحوا كل الأبواب .. لنسايم الحرية

(رجعُوا اللي كانوا تلامذه.. من تاني يا عم حمزه)

يكتبوا بكرامه القصه .. و يعيدوا لمصر العزه

بعد ماطال الغياب

رجعُم تاني الأحرار .. طلاب مصر الثوار

يكتبوا فوق كل جدار .. بإيدينا هييجي نهار

سرقوه بالإنقلاب

وقفوا على باب الجامعه .. يمسحُوا بإيديهم دمعه

سالت من عينهم لما .. إفتكروا إزاي الظلمّة

ف النهضة إغتالوا أحباب

كتبولك ف الكراسة .. بدموع و مشاعر حساسة

كام قلب صابوه برصاصة .. ف رابعة و دلجا و كرداسة

و كام أم ضناها غاب

رجعولك و بإخلاص .. بيقولوا يا مصر خلاص

هنشيلك فوق الراس .. يا أجمل كلمه ف كراس

يا عظيمه ف كل كتاب

0
0
0
s2smodern