بحبك يا مصر - الأكثر قراءة

على ضهر الدبابة

الزيارات: 834
تعطيل النجومتعطيل النجومتعطيل النجومتعطيل النجومتعطيل النجوم
 

على ضهر الدبابة .. و بأمر الجنرال

مايجيش إلا ديابة .. و عصابة أندال

و صعب تلاقي شريف .. جواه قلب نضيف

يرضى حياة الغابة .. و قانونها البـَطـَّال

على ضهر الدبابة

ما يجيش إلا خسيس .. باع الغالي رخيص

و معندوش أحاسيس .. غير خاينة و كدابة

 على ضهر الدبابة

ما يجيش غير عواجيز .. ماشيين على عكاكيز

أدوارهم قراطيس .. ف صورة ماليها كآبة

على ضهر الدبابة

ما يجيش غير طراطير .. علشان التصاوير

و كتابة التقارير .. من غير حاجة زيادة

على ضهر الدبابة

مع صوت ضرب النار .. مايجيش غير أشرار

و اللي بنفسه أختار .. يلحس نعل بيادة

0
0
0
s2smodern