بحبك يا مصر - الأكثر قراءة

حمامات الدم

الزيارات: 859
تعطيل النجومتعطيل النجومتعطيل النجومتعطيل النجومتعطيل النجوم
 

 

شوفنا بعنينّا الدم

كان سايل حمامات

و ما بين دموع و هم

عدينا كام أموات

وسط الميدان أمروه

الأخ يبيع أخوه

و بقهرهم خلوه

يوافق من سكات

كان بينهم عيش و ملح

يوجعهُم نفس الجرح

و بعد ما جمّعهُم فرح

بقى بينهم فيه مسافات

كانوا الإتنين حبايب

و العشق بينهم دايب

بقى واحد منهم غايب

و التاني حياته آهات

بإيديهم قادوا النار

زودوا ع المُر مرار

رغم إنها واسعه الدار

و تسع كل الإخوات

إزاي قسوه و ليه

رضي يقتِل أخوه بإيديه

و إزاي ما شافتش عينيه

أم بتنزف دمعات

بين القتيل و القاتِل

إخوات بنتقاتل

بعد ما كنا بنتقابل

نحضن بعض بدراعات

0
0
0
s2smodern