بحبك يا مصر - الأكثر قراءة

فوتو شوب

الزيارات: 1151
تعطيل النجومتعطيل النجومتعطيل النجومتعطيل النجومتعطيل النجوم
 

فوتو شوب

تبقى حر الصوره خالص

حط تلج تبقى برد

شاب يبقى ف صوره مايص

و بشنب بقى شاب صلب

و سهل يكمل اللي ناقص

و اللي (داون) يبقى (توب)

و بأوامرك كله نافذ

لو بتفهم فوتو شوب

اللي زعلان يبقى هايِص

و اللي راسي تشوفه لايص

الحمار هتشوفه فارس

و البطل بقيود و عاجز

كل شئ بالأمر جايز

بس شاور قولي عايز

و ف ثواني يبقى جاهز

بين (دراج) و بين (دروب)

أصلنا واخدين جوايز

و أساتذة فوتو شوب

اللي جوه البرلمان

نفسه ع الشاشه يبان

كل يوم يفقع بيان

أي حاجه تكون جنان

لجل ما تشوفوا الجيران

أو صحابوا بتوع زمان

يشتكي و يقول فلان

مش طايقني ف المكان

بيعاملني كإنّا غُرب

قلت أفوله إن أنا إخوان

قالي إخوان فوتو شوب

و اللي يا خساره بزبيبه

و عنده دقن طول و شيبه

بس ليه حركات عجيبه

و ف كلامه حاجات غريبه

حتى أفكاره المُريبه

صوره للإسلام معيبه

و لحياه صعبه و كئيبه

غلطه منه تجيب مصيبه

و بسببها نعيش ف غلب

سلفي شكله مافيش ريبه

بس سلفي فوتو شوب

و اللي ليل و نهار يهيس

فاكر إنه المُخلِّص

و إنه وحده الكويِّس

اللِي هيخلي المدمِس

يبقى لحمه و راح يجهز

العرايس ثم ينجز

ناسي إنه كبير و عجز

و صحته بقى حالها يوكِس

و إنه سهل يموت يطب

لو يقولك هأبقى ريِس

قوله ريس فوتو شوب

و اللي بيقول مصر عمري

هي شمسي و هي قمري

طول سنيني عشانها بجري

فخري بيها هو أجري

مش بنافقك دي مشاعري

و جوه قلبي و ف خواطري

و فوق ضلوعي حفرت مصري

لو لقيته إسمه بكري

أو عكاشه هيلاهوب

جه و قالك إنه ثوري

يبقى ثوري فوتو شوب

0
0
0
s2smodern