بحبك يا مصر - الأكثر قراءة

نسر و نجوم

الزيارات: 987
تعطيل النجومتعطيل النجومتعطيل النجومتعطيل النجومتعطيل النجوم
 

نسر و نجوم على كتفهم

نسوهم يوم قيامه

و حساب عسير من ربهم

على قهر و ظلم ياما

و دموع بريئه بأمرهم

سالت من عين يتامى

و نيران قادوها بيدهم

حرقت كل إبتسامه

و ملت القلب بهموم

نسر و نجوم

لسّاك مصدَّق إنهم

رمز لعزه و كرامه؟

لسّاك بتسمع منهم

و تقول ع الغدر شهامه؟

مع إن بانلك كدبهم

و لقيتله ميت علامة

إيه شوفت قولي ف عهدهم

غير ذل و غير مهانه

و قسوه كل يوم

نسر و نجوم

دم الشهيد بينادي قوم

فتح عينيك و كفايه نوم

هاتلي بإيديك حقي اللي راح

قول إن بيك هتطيب جراح

دا أنا دمي سال علشان تعيش

فياريت يا أخويا ما تنسانيش

كفاياك خنوع كفاياك سكوت

يا تعيش كريم يا شهيد تموت

رافض تكون مهزوم

نسر و نجوم

يابتوع قانون صفا و إنتِباه

الخوف خلاص إحنا نسيناه

و بكل قوة قولنا لاه

ما أحناش عبيد نحني الجباه

و لا بالرتب أو صيط و جاه

هتحددوا لينا الحياه

أحرار خلقنا اللي ف سماه

و لا عمرنا نعبد سواه

و الظلم مش ممكن يدوم

نسر و نجوم

0
0
0
s2smodern