بحبك يا مصر - الأكثر قراءة

ضربة جزاء

الزيارات: 817
تعطيل النجومتعطيل النجومتعطيل النجومتعطيل النجومتعطيل النجوم
 

اللي هتف أهلي .. أهله ف علم لفوه

و اللي هتف مصري .. ما قتلش يا ناس أخوه

صفـر حكم المباراه .. و بدأنا أول شوط

ساعه و نص حياه .. و بعد منهم موت

لما أخترنا الدفاع .. بظلمهم هجموا

ضاع منا اللي ضاع .. و لسة ما جاش حقه

لعبنا شوط أول .. و باقي شوط تاني

بين الشوطين طوِّل .. بإيدين خسيس جاني

كان الهدف واضح .. كانت ضربة جزاء

طفوا النور اللي فاضح .. الدم و الأشلاء

قسموا الوطن فريقين .. و ف دايرة السنتر

كانوا وحدُهم واقفين .. يتسلوا بالمنظر

نفس الوشوش و اللون .. كان سهل يتفسَّر

هم عبيد فرعون .. و مجلس العسكر

هم يا بور سعيد .. و الله مش إنت

لو كان طبعك بغيض .. كنت زمان خنتي

يا بور سعيد عارفك .. و فاكر اللي كان

إنت اللي سال دمك .. علشانا ف العدوان

يا بور سعيد نازف .. دم الوطن أنهار

بإيدين نظام سالف .. سلِّم نظام غدار

بتسيل دموع عينا .. و نعد ف الشهداء

يا ربنا عينا .. و إرفع عنا البلاء

0
0
0
s2smodern