بحبك يا مصر - الأكثر قراءة

إنتـِ ... هازي

الزيارات: 864
تعطيل النجومتعطيل النجومتعطيل النجومتعطيل النجومتعطيل النجوم
 

إنتـِ ... هازي

و إنتَ هذي

و إنت بتهمك مصالحك

و مهما يحصل مش مصالحك

ياللي قصدك إفتزازي

و إنت دورك ميه مِيه

البطل ف المسرحيه

للشهيد تدي التحيه

و بعد شهر تبقى ناسي

و إنت زي ما أتفقنا

إوعى تنسى إتفاقنا

تيجي يوم و تقول سرقنا

و لا تاخد إختصاصي

و إنت مره تقول حرام

و مره تاني حلال تمام

ضحك بالدين ع العَوام

خدمه للهدف السياسي

و إنت تكتب ف الجريده

إقتصادنّا ع الحديده

و عجلة الإنتاج بليده

و الثوره السبب الأساسي

و إنت هتقول كام إشاعه

كل يمكن نص ساعه

ع التي في أو ف الإذاعه

بيها نضمن الكراسي

و إنت تلبس روب محامي

و ف دفاعك تبقى حامي

للي قاتل و الحرامي

و اللي زيك إبتزازي

و إنت نافِق أي حاكم

مهما كان فاسد و ظالم

بس برضه الحرص لازم

خلي رأيك إهتزازي

و إنت تلعب فوتو شوب

حاوي يعني و هيلا هوب

يبقى فار و تقول ده دُب

و الفرح ميتم تعازي

0
0
0
s2smodern