بحبك يا مصر - الأكثر قراءة

عيون الثوره

الزيارات: 968
تعطيل النجومتعطيل النجومتعطيل النجومتعطيل النجومتعطيل النجوم
 

إلى أحمد حرارة و رضا عبد العزيز

أنا مش شايف بعـيوني

قولولي شايفين إيه

دا أنتوا اللي ورتوني

وطن كان نفسي فيه

إنتوا عيون الثوره

شايفين مصر الصابره

حاكمينها ناس طاهره

و شعب قراره بإديه

بعيونكوا شفت بكره

و غيطان مليانه خُضره

و إيدين عرقانه قادره

وطني العظيم تبنيه

وطن كان حلمي أشوفه

مطمن بعد خوفه

أكتب بالنور حروفه

و بقلبي أغني ليه

وطني اللي بنوه جدودي

فوق أرضه كان وجودي

ف ركوعي و ف سجودي

بدعيله الله يحميه

وطني اللي ماليش غيره

عدلتم خط سيره

بعيونكم شفت خيره

و رجعت أفخر بيه

عيون الثوره إنتوا

إنتوا و بس اللي شوفتوا

و الساكت فينا حقيقته

عاميه بصيرته و عينيه

وطني أصل الحضاره

كان للعالم مناره

بعيون رضا و حراره

قدرت تاني ألاقيه

0
0
0
s2smodern