بحبك يا مصر - الأكثر قراءة

إحلق دقنك

الزيارات: 1060
تعطيل النجومتعطيل النجومتعطيل النجومتعطيل النجومتعطيل النجوم
 

 

الدين مش سبحه بتمسكها

و لا جلابيه تقصر فيها

و لا هو طاقيه بتلبسها

أو دقن طويله تربيها

الدين إنك تحفظ عهدك

ما تبُصش بس لمصلحتك

ما يغركش الكُرسي و ياخدك

و عشانه وعودك تلغيها

الدين مش آيه ترتلها

و لا أحاديث كدا صم حافظها

كل ما تيجي مناسبه تقولها

و مافيش مره بتعمل بيها

ع الأسفلت إتعرت أختَك

و إنت سكت ما حدش سمعك

المفروض بقى تحلق دقنك

و أختك ليها ربنا يحميها

إحلق دقنك مش مستاهله

تضحك بيها ع الناس الجاهله

مش بالمنظر - دينا معامله

و إنت أختك سيبتها وحديها

مش عايِز تحلقها دا حقك

قصَّر طوِّل فيها براحتك

و أنا من قلبي هحيي صراحتك

لو قولتلي موضه مخليها

0
0
0
s2smodern