بحبك يا مصر - الأكثر قراءة

ف ميدان العباسيه

الزيارات: 872
تعطيل النجومتعطيل النجومتعطيل النجومتعطيل النجومتعطيل النجوم
 

ف ميدان العباسيه

إتجمعوا المجانين

عوكشه و فِل و شعبولا

و صحابهم التافهين

هتفوا يعيشوا الحراميه

و الخونه و الفاسدين

و اللي عقولهم مناخوليا

ف ميدان العباسيه

ف ميدان العباسيه

الخنفس عنكبوت

كان لابس الطاقيه

و مشمَّر الزعبوط

شوفنا ملابسه الداخليه

مرسوم عليها بطوط

متزغط ميه ميه

و أسألوا صاحبه الهلفوت

و قناته الفرعونيه

ف ميدان العباسيه

ف ميدان العباسيه

بص يمين أو شمال

هتلاقي كام وليَّه

ويا شوية عيال

و يقولك مليونيه

طب تيجي إزاي يا خال

دي الملايين الحقيقيه

يجمعها شباب رجال

مش أمن و بلطجيه

ف ميدان العباسيه

ف ميدان العباسيه

بيقولوا كلام خطير

منقول من مسرحيه

اللي كتبها أجير

واصِّف فيها قضيه

هتحدد المصير

اللي بياكل ملوخيه

و بيفهم ف الجرجير

يبقى رئيس جمهوريه

ف ميدان العباسيه

ف ميدان العباسيه

ممنوع تقول يُريد

و شكرا صهيونيه

و عَبَّر كلمه عيب

و خمسه و عشرين و ميه

كان رمز للمواعيد

و لا غير الثورجيه

كان واخد باله أكيد

و الناس التانيه غبيه

ف ميدان العباسيه

0
0
0
s2smodern