بحبك يا مصر - الأكثر قراءة

إمسك حرااااامي

الزيارات: 1084
تعطيل النجومتعطيل النجومتعطيل النجومتعطيل النجومتعطيل النجوم
 

 

عايز يسرقني من تاني

و يخطف مني أحلامي

و أرجع تاني ألقاني

أسير للقهر و آلامي

إمسك حرااااامي

عايز يحرمني منك

يا حبيبتي غصب عنك

و عايزني أحس إنك

مش عايزه ضناكي ف حضنك

مع إنه عارفني بحبك

و لا عمري أكون يوم ضدك

أو أخيب فيا ظنك

أو أعلن إنهزامي

إمسك حرااااامي

بالكدب بيحكي عني

و يقولِك إني و إني

طول عمره كان ظالمني

و منك كان حارمني

مع إنك ساكنه نني

و ف كل حته مني

و بموت لو يوم تئني

يا حبي و يا غرامي

إمسك حرااااامي

داس على كتفي و طلع السور

كل صحيح خلاه مكسور

و بإيده تاني طفى النور

علشان ما يبانش المستور

أفضل عايش أنا مقهور

و يفضل هو جـوا قصور

على رأي القول المأثور

اللي بيسرق هو الحامي

إمسك حرااااامي

0
0
0
s2smodern