بحبك يا مصر - الأكثر قراءة

أحمد الشرقاوي

الزيارات: 1074
تعطيل النجومتعطيل النجومتعطيل النجومتعطيل النجومتعطيل النجوم
 

 

رفرفرت بجناحك و طرت

لمست بإديك السما

و عشانا بحياتك خاطرت

دا أنت حقيقي ملحمه

شرقاوي يا أحمد زي أدهم

زي سليمان خاطر

شرقاوي زي أحمد عرابي

و زي عبد العاطي

شرقاوي لحم و دم

عبرت عن حالي

و زيي بملأ الفم

قلت الوطن غالي

و عمرِك ياراية الظلم

ما هتبقي ف العالي

عمـرك و مصر الأم

فيها أحمد الشرقاوي

راجل حقيقي يا أبن بلدي

و أنا شايلك على راسي

و شاهد ع الكلام ربي

و على صدقي و إحساسي

رأيتك فوق وقف قلبي

كتمت بإيدي أنفاسي

و فكرت ف عظيم ذنبي

سنين يا بلدي و أنا ناسي

لا يوم عبرت عن غضبي

و لا بيِنت إخلاصي

ف خوفي كنت متخبي

ما بعرف راسي من ساسي

نظام بِالخونه متعبي

و مقدرتش أكون عاصي

و مات علشاني و بسببي

على حدود الوطن ناسي

كذا مره و أنا سلبي

بيهزمني شعور قاسي

بإيدك فوقت يا صاحبي

و ع السكه بقيت راسي

علم الصهاينه بالعربي

مقامه أدوسه بمداسي

و ما يتحطش على ساري

شرقاوي يا أحمد

بس شرقاوي بجناح

طلعت أعلى م الهرم

و طرت ف الفضا سواح

لا خُفت من غدر العتم

و لا هَزتك الرياح

دوست الصهاينه بالقدم

و شلت العلم السِفاح

اللي مسيره للعدم

لما ننويه الكفاح

و نداوي في الأقصى ألم

و ننسى ياقدس الجراح

و نغني ف فلسطين غناوي

شرقاوي يا أحمد

يا مشرَّف الزقازيق

كان حلقي ناشف

و إتبل بيك الريـق

دا أنا كنت خايف

رجعتني تاني جرئ

خلتني شايف

بكره بحق و حقيق

و صبحـت عارف

رايح فين الطريق

و رغـم العواصف

هنحقق الحلم البرئ

و تعود كرامتنا من تاني

و عمرِك ياراية الظلم

ما هتبقي ف العالي

عمـرك و مصر الأم

فيها أحمد الشرقاوي

0
0
0
s2smodern