بحبك يا مصر - الأكثر قراءة

مش كلنا أسماء

الزيارات: 936
تعطيل النجومتعطيل النجومتعطيل النجومتعطيل النجومتعطيل النجوم
 

 

فيه بينا ناس إتعودت

على طابور الذنب

و الإمتهان و الضرب

و الحبس ف الأشلاء

مش كلنا أسماء

و ناس تشوف الرجوله

بس ف نسر و دبوره

و تحب تعيش مقهوره

و تعشق النفاق

فيه ناس تبوس البياده

و تطاطي للسياده

و تقولك دي عباده

و طاعه للأمراء

و ناس بتوع مصلحه

صوابعها ع المسبحه

و بالزبيب و اللحى

بيخدعوا البُسطاء

و ناس ضمايرها ماتت

من أول يوم ما بانت

كلاب للسلطه كانت

من الألف للياء

و ناس تخاف م الحق

و تخاف تقول يوم لأ

و محسوبين ع الخلق

مع إنهم جبناء

و ناس ضعاف النفوس

صوتها تبيعوا بفلوس

و اللي عليها يدوس

تدينلوا بالولاء

و ناس تقول نسامح

ظالم كان فينا طايح

و بأمره ف المدابح

ياما نزفوا الأبرياء

و ناس عن الثوار

ياما زيِّفوا الأخبار

و قالوا مش أحرار

و أهانوا ف الشهداء

و ناس تقول مش ثوره

و بكدب تقول مؤامره

مش عايزين مصر حره

عايزينها ف إيد عملاء

0
0
0
s2smodern