بحبك يا مصر - الأكثر قراءة

حدوتة الديب و المواشي

الزيارات: 1782
تعطيل النجومتعطيل النجومتعطيل النجومتعطيل النجومتعطيل النجوم
 

قبل أما أحكي و أقول .. حدوته بهلول

و ولاده الإتنين .. تمبل و التنبول

هسألكم سؤالين .. جاوبوهم يا فلول

مين يعرف حلوف .. يفهم معنى العيب

أو معزه و خروف .. دافع عنهم ديب

و ياما لسة هنشوف .. و هنسمع أعاجيب

و هنضرب ف كفوف .. من كتر الألاعيب

من واحد مهفوف .. فاكر مخه رهيب

بِيكيف ف ظروف .. و يرتب تراتيب

و يداري المكشوف .. و يألف مكاتيب

بس الديب معروف .. بيحب الكراكيب

و طريقه ملفوف .. مليان بالسراديب

خلف خلاف مخلوف .. و طبعه بجد غريب

مبيعرفش كسوف .. و دمه مالوش مناسيب

و مره الديب كان ماشي .. جنب غيطان بطيخ

شاف بعيونه مواشي .. عند مقام الشيخ

معزه معاها جديين .. و خروف ليه قرنين

ندهوا يا ديب خايفين .. هنروح ف الرجلين

و بعد ما كنا سنين .. نرعى ف الفدادين

نصبح مش لاقيين .. حتى و لو قيراطين

الديب قال الخطه .. إستهبال و أونطه

مره تجيلكوا زوغطه .. و مره تموتوا م الخضه

أول حاجه المعزه .. تعمل فيها عيَانه

و خروفنا تجيله رعشه .. ف الودن البردانه

و كدا نقلبها مناقشه .. و حكاوي خيبانه

و يفضل ف المستشفى .. ما يروحش السلخانه

و الخطادي إن فشلت .. عندنا خطَه بديله

لو بعديها إتكشفت .. برضه هنلقى وسيله

فأنت أفضل عيان .. ياخروف الخرفان

و إنت يا معزه كمان .. و معاكـِي الجديان

إسمعوا مني نصيحتي .. من غير أي كلام

من أول دلوقتي .. و لكام سنه قودام

هتبطلوا مأمأه .. ف صحافة الأغنام

و ممنوع الهأهأه .. ممنوع الإِبتسام

جه وقت الوأوأه .. و حساب الأيام

بس بدون تريقه .. ناويين تدفعوا كام

مش أدافع سفلقه .. عن فاسدين و حرام

صاح الديك هنا بقى .. و قال للديب روح نام

دي الشمس مشقشقه .. و إنت رمز ضلام

و سنين قهر و شقا .. ليلها كله آلام

فكفايه بقبقه .. و ظهور ف الأعلام

إرجع للشرنقه .. دا مهمن كنت همام

ف الآخر مشنقه

ف الآخر إعدام

0
0
0
s2smodern