بحبك يا مصر - الأكثر قراءة

إحنا بتوع التحرير

الزيارات: 1008
تعطيل النجومتعطيل النجومتعطيل النجومتعطيل النجومتعطيل النجوم
 

 

إحنا اللي وقفنا العجله

بتاعة إنتاج الصواريخ

و إحنا اللي قطعنا طريق الرحله

الطالعه مباشر ع المريخ

إحنا اللي رفعنا القناصه

فوق العمارات

و إحنا اللي إدينا الداخليه

ست شهور أجازات

إحنا اللي قتلنا الشهدا

و هربنا المساجين

و إحنا مباحث أمن الدوله

بالدم ملينا الزنازين

إحنا اللي مضينا عقود الغاز

مع تل أبيب

و بقينا بنطبخ على بوابير الجاز

لما إختفت الأنابيب

و إحنا اللي حرقنا القطر

و غرقنّا العباره

و إحنا اللي عامِّلنا الناس بالقهر

و كل إماره

إحنا اللي فرضنا الإتاوات

و شاركنا الناس بالعافيه

و إحنا اللي قفلنا الإشارات

علشان التشريفه الماشيه

إحنا اللي هتفنا ف روكسي

و مدان مصطفى محمود

آسفين يا بابانا يا حسني

و هو حبيب صهايين و يهود

إحنا الفاسدين و الحراميه و ولاد ستين

إحنا الأحزاب الهُلاميه و المُنتفعين

إحنا اللي وافقنا إن إنت تضيع يا عراق

و إحنا اللي رضينا نحاصرك يا فلسطين

إحنا اللي قضينا على الأخلاق

و إحنا اللي تاجرنا كتير بالدين

و إحنا اللي ملينا الدنيا نفاق

و إتغير حالنا ف غمضة عين

إحنا اللي لضرب القفا نشتاق

و بنعشق نبقى عبيد

بنشيل الفاسد ع الأعناق

و عشان القرش نبوس الإيد

إحنا اللي بننشر إشاعات

و بنكدب ف التقارير

و إحنا اللي بنعمل خلافات

نبدأها بحملة تشهير

أيوه أحنا دا كله يا حضرات

علشان عايزين تغيير

علشان بنطالب بالتطهِير

علشان رافضين التزوير

علشان عايزينِك تبقي يامصر بخير

أيوه أحنا دا كله و غيره كتير

إحنا بتوع التحرير

0
0
0
s2smodern