باين جاله جنان
أو نوبة توهان
البيه المخلوع
قال مننا زعلان
و بعقله الملسوع
و ضميره التلفان
مافهمش الموضوع
و لا شاف العنوان
فاكر فيها رجوع
بعد السر ما بان
بِيحاول بِدموع
إنه يبان غلبان
و يمثل موجوع
و بيعمل عيان
لجل يقولوا ممنوع
يدخل أي لومان
و يسيبوا المفجوع
بالكرش المليان
و الشعب المخدوع
يوم و التاني بيان
علشان يرجع طوع
مـن شوقه لأمان
دا أحنا نموت م الجوع
و نقاسي الحرمان
و هنشرب منقوع
و لا ترجع يا جبان
صفينا المشروع
و قفلنا الدكان
و لا سيبنالوا فروع
على إسمك يا فلان
مش عايزين جربوع
بينا يكونلوا مكان
شكلك مش مبلوع
و لا تنفع مانيكان
دا أنت بقيت مسروع
و وشك جاب ألوان
نفسك بقى مقطوع
و كدا أو كدا غرقان
