بحبك يا مصر - الأكثر قراءة

تعتذر ما تعتذرش

الزيارات: 1039
تعطيل النجومتعطيل النجومتعطيل النجومتعطيل النجومتعطيل النجوم
 

تعتذر ما تعتذرش

مش هننسى ما تحاولش

كل نقطة دم سالت

ف الشوارع و إنت ساكت

كل أم ضناها شافت

إبتسامته الحلوه ماتت

كل زنازين ظلم كانت

سجن للصوت اللي عارض

و اللي فيها دفنت رافض

عهد ظلم و حكم فاسد

مش هننسى شمس غابت

أو خطاوي ف ضلمه تاهت

و لا أحلامنا اللي ضاعت

وسط أيامنا اللي فاتت

و إنت بِينا ماليها غش

تعتذر ما تعتذرش

مش هننسى ما تحاولش

الصغار اللي بأوامرك

ف الحياه صبحم يتامى

و القرار اللي بإرادتك

كان بيسلبنا الكرامه

غير مرار دوقناه ف عهدك

و شوفنا فقر و ذل ياما

و إنت خيرنا خدته وحدك

ويا شله م اللمامه

من حرام كان نبت لحمك

و فات خلاص وقت الندامه

ما أفتكرتش مره ربك

و الحساب يوم القيامه

طب عايزنا إزاي نسامحك

أو منين هنجيب شهامه

لجل حد ما يستاهلش

تعتذر ما تعتذرش

مش هننسى ما تحاولش

إعتذر ميت ألف مره

و لا مليون مره عادي

مش هتنفع المناوره

و لا كدبك النوبادي

دا أحنا قمنا بأغلى ثوره

فيها شبكنّا الأيادي

لجل ترجع مصر حره

و فيها عدل سيفه ماضي

و كل مصري جوا .. برا

يبقى بيها فخور و راضي

و إنت لازم تبقى عبره

للي يحكمها بلادي

بعد عندك و المكابره

من يناير و إنت ماضي

و عفو منا ما تنتظرش

تعتذر ما تعتذرش

مش هننسى ما تحاولش

شاهد تسجيل حي للقصيدة

0
0
0
s2smodern