أيوه صح .. لو سكتنا راح نموت
أقسى جرح .. جرح مجبور ع السكوت
أيـوه صـح
نفس حلمك هو حلمي .. زي همك برضه همي
و أحنا حالنا بدون كلام .. زي شجره بدون ورق
زي البرئ اللي إتشنق
زي الحصان .. اللي خسران ف السبق
زي المكان .. اللي ف دقايق إتحرق
زي الغيطان .. عطشانة ماتت م الشرق
أيوه صح
نفس ألمك هو ألمي .. نزف قلمك زي قلمي
حتى نوع دمك و دمي
هتلاقيه شبه الحروف .. اللي رافضه كل خوف
و زيي نفسك يوم تشوف .. شمس بكره
يبقى تاني ف ليلنا .. قمره
نلقى مره .. السنين المُره مارَّه
تبقى حره .. كلمه بتنادي بثورَّه
نبقى واحد .. نبقى جوا زي برا
مد إيدك تاني يالا
م السكوت أنا إيدي ماله .. و لكلامنا عيوني مايله
نفسي ضلمه السطور .. بالحروف نملاها نور
و مش هلف عليك و أدور .. كل كلمه و ليها دور
دي رخيصه و دي بتمن .. و دهي سعيده و دي شجن
بس طال قصر الزمن
أغلى الكلام
كلمة وطن
