بحبك يا مصر - الأكثر قراءة

واحد ضد الثورة

الزيارات: 988
تعطيل النجومتعطيل النجومتعطيل النجومتعطيل النجومتعطيل النجوم
 

لما الثوره إنتصرت

و رايتها رفعناها

قال من وقت ما بدأت

و أنا من قلبي معاها

مع إنه بيكرهها

و شوه ياما منظرها

و ياما قال عنها كلام

مليان بالأوهام

أول يوم لاقيناه

بيقول حزب الله

و يومين تاني وراه

قالك لأ خلاص

بعد اللي عرفناه

هي إيران و حماس

و فجأه قلبها جنان

و غير ف العنوان

قال إيه أمريكان

بِيوزعوا ف لبان

و بيدوا دولارات

و وجبه من كنتاكي

و دي ثورة خواجات

أهدافهم ملاكي

و نقل لينا فتاوي

و ردد لنا أحكام

فيها يقول الراوي

أي مظاهره حرام

و كونوا عبيد خُدام

للساده الحُكام

و عشان حَب الماضي

و عجبُه العيشه مِطاطي

دش كلام ع الفاضي

عن إسوره مَطاطي

و نشر ف كليبات

مليانه خُرافات

دا مخطط صهيوني

رسمُه حد شيوعي

و أبصر مين دا ماسوني

و اللي معاه دا شيعي

و إتمَسِّك بحَاجَات

كان نُصها تفاهات

أما النُص التاني

فمافيش ليه أساسات

خطته خطه شيطاني

و هدفه تقوم خلافات

و نرجع تاني نعاني

من ظلم الحكومات

فياريت حد يقوله

مش هيفيده دا كله

و لو مش واخد باله

أو متلخبط حاله

حد يوصلهاله

و بدالي يقولهاله

و إن كان نام صحوه

و ع الحاصل رسوه

الريس بقى سابق

آه و الله أنا صادق

عهده خلاص بقى طالق

و الثوار خلعوه

الثوار خلعوووووه

0
0
0
s2smodern