إحنا يا مصر شبابك .. ف ميدان التحرير
قمنا بثوره عشانك .. لجل تكوني بخير
ثورتنا سلميه .. ضد نظام حراميه
و كلاب الداخليه .. بِيدبحوا ف ولادك
إحنا كنيسه و جامع .. و إحنا الفجـر الطالع
سال دمنا ف الشارع .. من أجل الحرية
وعد يا مصر علينا .. هنشيلك ف عنينا
و هترجعي بإيدينا .. تاني أم الدنيا
لأ لِلإستبداد .. لأ لسلطه فساد
من كل الأوغاد .. هنصونك يا بهيه
بينا هيهل صباحك .. و هتداوّى جراحك
هنرجع أفراحك .. و بينا هتبقي قويه
