بحبك يا مصر - الأكثر قراءة

مصر خلاص قامت م النوم

الزيارات: 1098
تعطيل النجومتعطيل النجومتعطيل النجومتعطيل النجومتعطيل النجوم
 

مصر خلاص قامت م النوم

و خلاص مش هتنام من تاني

و أما قيامة مصر تقوم

يترج العالم ف ثواني

دقت ساعة الغضب الأكبر

بكره الجاي إبتدى يتحضر

خرج المارد برا القمقم

قال للظالِم إنت بتظلم

دق برجله الأرض إتهزت

كل كراسي الحكم إترعشت

نبرة صوته الحر إرتفعت

نادى بقلبه يا مصر أنا إبنك

ليّا سنين محروم ليه منك

عايزك بقى تاخديني ف حضنك

ضُميني و خليني أضُمك

إمسحي دمع عيوني بكمك

يعـني كونيلي لجل ما أكونلك

مصر يابلدي شبعنا جراح

شوفي كام حلم حلمناه راح

تلاتين سنه مافهمش صباح

اللي يموت بِنقول إرتاح

تلاتين سنه عتمه ورا عتمه

نخرج من أزمه على أزمه

عشنا ف غربه جوا و برا

و إتذلينا يِيجي ميت مره

يعني خلاص جه وقت الثوره

لجل ما ترجع مصر الحره

علوا الصوت بالقوي ياشباب

صوتكم سَكت الشُيّاب

اللي إتحسبوا علينا كتاب

كانوا ينبحوا لو جه أو غاب

و يسبحوا تسبيح كداب

و يقولوا هو مهمن شاب

الحاكم من غير أسباب

و اللي معاه مفتاح الباب

لأ يا حكومه ملاها فساد

سنينا خلاص الأنياب

و إنتوا خلاص م اليوم أغراب

فلتسقط كل الأحزاب

و اللي بزور صبحُم نواب

لموا عزالكوا

إحنا خلاص كارهينوا وجودكوا

مش عايزينكوا

و المفروض كدا صوتنا وصلكوا

وفروا يعني يا خونه كلامكوا

مهما يكون مش هنصدقكوا

و بعد مرار دوقناه جه يومكوا

يبقى ما بينا و بينكوا حساب

و زي ما شوفنا تشوفوا عذاب

دا أنتوا مصيركُم بقى محسوم

دي نهايتكوا

و غصبن عنكم مصر تدوم

مصر خلاص قامت م النوم

و خلاص مش هتنام من تاني

و أما قيامة مصر تقوم

يترج العالم ف ثواني

القصيدة بصوت الشاعر على قناة الجزيرة مباشر

0
0
0
s2smodern