بحبك يا مصر - الأكثر قراءة

مريم فكري

الزيارات: 939
تعطيل النجومتعطيل النجومتعطيل النجومتعطيل النجومتعطيل النجوم
 

مـَريـَّم

إوعي تكوني فاكراني رضيت .. إوعي تقولي عليا وافقت

ربنا يعلِم إني بكيت .. و ف دمك حستني غرقت

أحلفلِّك إن أنا حسيت .. إنك زي حبيبه وأخت

و ربنا يعلم إني بقيت .. مش شايِف حاجه و لا حد

طَب ده أنا من قلبي إتمنيت .. لو من قبلك كنت أنا مُت

مـَريـَّم

اللي إغتالِك معرفهُوش .. صعـب أقول أعرفه بالكدب

بس أنا عارف قلب مالوش .. و لا ليه دين و لا يعرف رب

اللي إغـتالك ندل جبان .. اللي إغتالك مش إنسان

اللي إغتالك مهمَن كان .. قودام عيني هيفضل كلب

ده الإنجيل قال و القرآن .. قتل النفس ده أعظَم ذنب

مـَريـَّم

طَرطَش دمك وسط الشارع .. غَرَّق كل كنيسه و جامِع

قلب الوطن إتملا بمواجع .. و غير الآهه خلاص مش سامع

مش سامع صوتك و لا صوتي .. مع موتك أنا بعلن موتي

اللي إغتالك نفسه إغتالني .. زي ماقتلك برضه قَتلني

اللي بغدر سَرق أحلامك .. هو كمان بالغدر سرقني

مـَريـَّم

الخاين طَفى شمعة عيدك .. قَتل الفرحه ف عيني و عينك

فضلت صوره فيها ملامحك .. توصف جرحي و توصف جرحِك

جرح كبيـر نازف ف وطنا .. ليل و نهار بيزيد أحزانا

بس يامريم مهما جرالنا .. مهما ضباب جه دارى قمرنا

واحد برضه هيبقى قرارنا .. إحنا إخوات والوحده قدرنا

0
0
0
s2smodern