بحبك يا مصر - الأكثر قراءة

النيل ماجاشي

الزيارات: 1253
تعطيل النجومتعطيل النجومتعطيل النجومتعطيل النجومتعطيل النجوم
 

 

يا لهوي يا خراشي .. حسابنا ما عملناشي

لو يوم م النوم صحينا .. لقينا النيل ماجاشي

هنسأل مين عليه .. وسؤالنا هيبقَى إيه

النيل ماجاشي ليه .. أو جه وإحنا ماشوفناشي

هيفيدنا بإيه سؤالنا .. لو يوم النيـل ماجالنا

و من بعد ما فيه أهملنا .. له حق إن قال أنا ماشي

النيِل أبو سد عالي .. طول عمره علينا غالي

دي مصيبة إن شوفناه خالي .. ونقطة ميه مانلقَاشي

إزاي راح يبقى حالنا .. لو راح النيل لغيرنا

مين هيخضَّر غيطانا .. ويروي عطش المواشي

0
0
0
s2smodern